الشاعر سعود راجي يقدم قصيدة اهداء للضوي


الشاعر سعود راجي يقدم قصيدة اهداء للضوي



قدم الشاعر سعود راجي الضوي اهداء محمد صغير الضوي وذلك بقصيدة بعد موقف شاهده له مع جاره مثمننا ذلك الموقف قائلآ

سلام يامحمد زعيم الطيب والساس العريب
يامحمد صغير وشب النار ياشبابها

من حدته سود اليالي جاك لايمكن يخيب
يمناك مثل المزنه اللي منهمر سكابها

شامخ ومتعلي ولك بالطيبه حظ ونصيب
راع الجميله والخساير مايحسب حسابها

حلق لحاله ماله منافس بعيد ولاقريب
هامت ” تبي تطلع تنافس هامته وطابها

اللي يبي ياصل مواصيلك وله قلب ولبيب
يشعب ذلوله من طلوع الشمس حتى غيابها

خله يحاول من طلوع الشمس لياحد المغيب
من هابها ماجابها من جابها ماهابها

انت البناخي والصحيب اللي يسمونه صحيب
يوم اكثر الاصحاب تنهش في عروض صحابها

سود الوجيهه مجمعين الهرج جثياث الشعيب
يبقى الردا لهل الردا بدقونها وشنابها

والا انت وافي يامحمد والوفاء ماهو غريب
من روس جدانك تحوز الطيبه ماتهابها

ضوي ومن ربعي اليامنه عوى ذيبً لذيب
اللي توردها على الموت الذحاح حرابها

يوم العزاوي والنخاوي والفعل عند القليب
اذوادهم من شاف وسمه بالرويكب هابها

تمشي تحت هيبة زحول القوم بالجمع المهيب
من قو هيبتهم تزلزل أرضها وهضابها

الشاعر / سعود راجي الضوي


3 pings

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *